Pa titull

Ta kërkova bukurinë
Atë natë kur binte shi i përzier
Tani s`më ndjellin hiret e tua
Në këtë ditë të re, pa diell

Ta kërkova bukurinë atëherë
Por tani nuk e dëshiroj vërtet
Në prag mbërriti një ditë e re
Ku humbi bukuria jote, që vret

Ta kërkova bukurinë, nuk reshta
Bukuri si ajo në botë nuk kish
Por s`ish parajsë vetëm për mua
Ajo mrekulli shkuar mrekullish

Ja pra, e shikon, si kam ndryshuar
Sytë e tu ndjellës s`më shfaqen
E pashë kur shkoi, bukuri e tjetërsuar
Kjo ditë mbërriti, pa përzënë natën

Ta kërkova bukuritë që vret
Me dhimbset tani që ndodhi gjithë kjo
I dëshirova hiret, gjithçka që kishe
Aq muaj, aq ditë i kredhur veç në to

Ta kërkova bukurinë, s`desha vegimin
Të gjitha bukuritë s`janë njësoj
Në këtë ditë plot imazhesh të thyera
Hiret e tua dhe ti përbëjnë ndryshimin

E pra ta dish se bukurinë, aq herë
Ta kërkova vërtet me pak frikë
I kam dashur flokët e tu si pranverë
I tmerruar se sytë nuk ishin të mitë

Dhe ja tani i dërrmuar krejt
Pres këtë ditë të re të më shfaqet
Për natën nuk kam më mall vërtet
Ç`mall për bukurinë tënde dhe faqet

E pranoj se kam qenë xheloz vërtet
Ato ditë dhe net që ishim bashkë
prej bukurisë gjithmonë një i tretë
shfaqej me nesh si një fantazmë

Dua të arratisem gjithherë
Të zhdukem nga rrugët ku je ti
Bukurinë tënde e shijojnë të tjerë
Si fanitet ajo, u tret, si të mos ishte bukuri

Unë kam vendosur të iki, larg
Mes mijëra dilemash vendosa
Bukuria jote sish, strofë as varg
Ndaj këtu s`munda ta varrosja

Janar 2008

Natë...

Është natë
Kjo natë ndryshe nga të tjerat
Më e errët, më e vetme, më e fshehtë

Nata ra
Kjo natë si asnjëherë tjetër, netët
Më bën të ndihem larg, sa larg nga ti

Dëgjomë, të lutem, edhe pse e di
Se errësirat zërin nuk e përcjellin
Dëgjomë, jam keq, shumë keq
Gjithçka bëj më duket e kotë

E humba botën, në mimikën e tendosur të kësaj nate
Jo atë botën e zakonshme me shumë njerëz
Por universin ku vetëm ti ekzistoje,
Atë bregdet misterioz që patëm krijuar bashkë
unë deti, ti valët, netëve përplaseshim dhe bashkë
arratiseshim nga njëri-tjetri dhe prapë bashkoheshim

Në këtë natë
E kërkoj edhe veten, nuk e gjej me ty
Sa larg kemi shkuar, si mundet kaq larg?

Kësaj nate
Iu luta sonte edhe pse errësirën
Asnjëherë se kam dashur
Asnjëherë s`kam mundur ta njoh

Natës
I thashë të më sjellë një kujtim
Nga ty, qoftë edhe zërin, a flokët e saj si kjo natë
Mbase edhe hijen tënde do ta prekja njësoj

Prej natës
Kërkova qoftë edhe ikjen tënde
Vetëm që të mendoja se edhe njëherë se
sapo kishim qenë bashkë

Edhe këtë natë
Dhe ishim ndarë e kishim humbur
Në errësirat që më të errëta se kurrë
Ishin, këtë natë

Në fund të natës
Ti ndoshta e di se do të ketë një agim
Por unë e kam harruar tani këtë mësim
Të orës së hershme të lëndës së gjeografisë
Kur ishim ulur në fund të klasës

Nuk gjej në kujtesë asnjë shkak
Që agun e një dite tjetër ta pres
E vetmja rreze që mund të zbardhë
Je ti, por këtë natë nuk po shfaqesh
Dhe mua shpresa, pritja, po më vdes...

Mbremja ne Vlore...

Teleferiku qe lidh Tiranen me Malin e Dajtit...

Perendimi "i vonuar" i diellit ne Vlore...

Vlora, sipas mendimit tim, eshte nje nga qytetet me te bukura te Shqiperise...

Gjurmet...

Malet me debore mbuluar,
ne Veri te Shqiperise, Lugina e Valbones...

Dimer Veriu, ne Luginen e Valbones...

Qafa e Petishit, keshtu i thone banoret e zones kesaj pjese te bjeshkeve ne krah te Lumit Valbona ne Tropoje. Gjurmet mes malit jane siperfaqe livadhore qe shfrytezohen per kullota ose per korrjen e barit dhe perdorimin e tij si ushqim per bagetine...

Shtepi banimi ne faqen e malit qe ndodhet ne krah te Liqenit te Firzes...

Udhetim nga vendlindja...

Kjo ishte panorama qe te ofronte stacioni nga i cili niset trageti i linjes Fierze-Koman, mengjesin e 3 janarit 2008. Nje anije udhetaresh e permbysur ne kalate prej disa ditesh, qe fundoset ne uje ngadale ngadale. Sic dukej te gjithe i kane dhene lamtumiren asaj, anijes se vogel qe me sa kuptohet eshte shprebere krejt. Tej ndodhet trageti tjeter, "i riu" sic i thone banoret e zones dhe udhetaret e kesaj lindje te transportit liqenor ne veri te Shqiperise. Ai qe nuk duket, eshte trageti tjeter, ai "i vjetri". Po qendroja duke skermitur dhembet nga i ftohti teksa fiksova kete fotografi. Me pas hyra ne kabinen e udhetareve. Aty qe me ngrohte, kishte shume njerez, ndersa sporteli nga ku mund te porosishesh ndonje gje per te pire, ende nuk ishte hapur. Diku ne qoshe, rreth nje ore pasi kishim mberritur aty, pashe nje zoteri me syza, qe mbante nje cante ne duar. Me ngjau te ishte Kozma Dushi, por nuk po me besohej. Po kthehesha nga qendrimi disa ditor ne familjen time dhe po mendoja se ishte shume ftohte ne ato ane, rruget ishin ngrire dhe askush nuk ishte kujdesur ti pastronte nga debora e shnderruar ne akull, as ato me kryesoret. Krejt i harruar ky vend! Kozma Dushi c`te kerkonte ktej valle? Disa minuta me pas, ne kabinen e udhetareve shfaqet edhe prestigjatori Nadir Murra. Mesova se ai dhe Kozmai ishin pjese e nje grupi srtistik qe po kthehej nga Kosova pasi kishin organizuar shfaqje me rastin e festave te fundvitit. Iluzionisti e gjeti veten shpejt mes udhetareve, mblodhi disa bashkemoshatare te mi dhe ekzekutoi numra te thjeshte te cilet u ndoqen gjithe kuriozitet nga te pranishmit. Kozmai, i cili ne fillim po me dukej i shqetesuar per udhetimin, tashme po bisedonte me nje grup te vogel udhetaresh qe ishin afruar dhe e kishin pershendetur. Une bashke me disa miq, kishim porositur nga nje raki te ciles me pas i hodhem Red Bull. Rezultati qe nje perzierje interesante qe te ngrohte shpejt ne ate mengjes te acarte. Ishim zgjuar ne 03:30 te mengjesit, ne Tirane mberritem ne ora 14:45. Ishte gjithe ai udhetim i lodhshem, por qe kaloi mire fale situates rastesore-spektakolare qe i krijua ne kabinen e udhetareve. Rreth 12 ore udhetim ne kushtet e dimrit, tete ore udhetim ne kushtet e veres, nga Tirana ne Tropoje dhe anasjellas, brenda nje shteti te vogel si Shqiperia jone. Ne te dy rastet, ne dimer dhe ne vere, duhet te zgjohesh maksimalisht ne ora 04:00 te mengjesit. E tera kjo, per mungese te nje rruge e cila do te lidhte kete zone me pjesen tjeter te Shqiperise. Keshtu po mendoja ndersa makina ku ndodhesha rreshkiste ne rruget me akull nga qendra e Tropojes drejt Fierzes. Rruga nuk ishte pastruar nga qilimi me trashesi rreth 15 cm bore. E kjo me beri pesimist per ndertimin e rruges se shpresuar nga rreth 32 mije banoret e lokalitetit ku kam lindur, e cila do te shkurtonte udhetimin ne 6 ore nga tete qe eshte aktualisht, 120 minuta vuajtje me pak!